Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4291 daz hete ein rîter getân:
        den woltens alle gelastert hân,
        und was in den selben tagen,
        dô ich dar kam durch clagen,
        her Gâwein nâch gestrichen.
4296 ich liez dâ wærlichen
        umb die vrouwen grôz clagen,
        unde ouch umb sîn nâch jagen.
        sî vorhten daz sî daz wîp
        verlürn, und dâ zuo er den lîp;
4301 wand er niht wider wolde komen,
        ern ervüere wie sî wære genomen.'
         Nû was im daz mære
        durch sînen gesellen swære.
        er sprach 'nû müez in got bewarn.
4306 vrouwe, ich muoz von hinnen varn
        und mich bereiten dar zuo.
        und wartet mîn morgen vruo:
        ich kume ze guoter kampfzît.
        und alsô hövesch sô ir sît,
4311 sone saget niemen wer ich sî.
[ zurück ]